We went to a stall ng tsinelas sa isang lugar sa Divisoria and after choosing 3 pairs, I gave it to the attendant. Iyong attendant naman ay ibinigay ang tsinelas sa tumatanggap ng bayad (cashier sa mga mas pormal na pamilihan) at kami ay lumapit doon. Iniabot sa akin ang supot ng pinamili at iniabot ko ang P500 para kanyang suklian.
Binilang ko ang sukli ng dalawang beses at sinabi ko sa kanya na sobra ang sukli niya. Ang kinuha lang niyang pera ay para sa 2 pairs pero ang binili ko ay 3 pairs. Kakamot kamot ang ulo na sinabing “ganoon po ba, nalito na ako sa dami ng namimili, salamat po napakahonest po ninyo..”
I left with a happy heart knowing na I did something good na naman. Biro mo iyon, kung para sa dalawang tsinelas lang ang binayaran ko pero 3 tsinelas ang kinuha ko, e di iyong dapat ay tinubo na niya napunta pa sa akin.
Pagdating sa bahay, binuksan ko ang supot. Nakita ko na ang laman ay 2 pairs lang.
Tama iyong sukli niya sa akin. Napasobra pa nga ang bayad ko. Ako ang nagkamali.
He displayed honesty.
Innocent honesty.
He deserves the sobrang bayad ko.
—000—
“Where you want to be, won’t you ever see? Truth hits everybody, truth hits everyone” – Sting & Police
ClinQuantLife 