Wishful dreaming

“Come to my office Mr. Emil. I’ll show you something.” Ang bati sa akin ng aming GRO isang umaga.

Iba ang pakahulugan ng mga pinoy pag sinabing GRO, ito ay kadalasang babae na nagtatrabaho sa club. Pero sa bansang ito, ang GRO ay Government Relations Officer. Sila ang mga nag-aasikaso at nag-aayos ng mga usaping pang gobyerno katulad ng Visa, Iqama (Residence Certificate), Medical Insurance, atbpa.

Ang kadalasang GRO ay mga Saudis dahil sa pakikipagusap sa mga opisina ng gobyerno rito karamihan ay mahinang umintindi ng English. Isa pa ay mas priority ng mga opisinang ito ang mga katutubo (Saudis) dahil ayaw nila na makabisa ng ibang lahi ang kanilang procedures.

Pumasok kami sa opisina ni Mr. GRO (parang ang sagwa pakinggan ano, Mr..) at pagkaupo ko sa harapan niya ay ibinaling niya sa akin ang monitor ng kanyang computer.

“You see, I just want to show you our system here in the office and how we connect to the government system. I will input your Iqama number, and now you will see that there are charts and reports for your business transactions, bank transactions, phone bills and records, and here, as I click this, we will know where you are on a particular date. You see, last January 14, you were in Yanbu and you checked in at Al Higgi Hotel, and you stayed there for 3 days. You were in Yansab the following day at 9:15 am, then you moved to Luberef at 11:05 am and you were in Saudi Aramco Yanbu Refinery at 2:04 pm. Wherever you go that requires your Iqama, it is recorded in the government file and we were given the right to access it.” Ang paliwanag niya sa akin. Ang Iqama ay ang tinatawag nating Cedula or Residence Certificate / Card.

I was amazed at that, at nakita ko rin na sa ganitong date ay may binili ako sa Carrrefour na ganitong items using my ATM card, dahil ang aking Bank Account ay connected din sa Iqama. At hindi lang iyan, ang numero ng cell phone ko ay kasama sa lahat ng record ko kaya pag me withdrawal na ginawa ay nakatext agad sa akin, pag nagbayad ako ng kuryente o tubig ay nakatext agad sa akin. Ganun din nung maiwan ko ang ID ko sa Aramco, nakatext agad sa akin ang Security at sinabing naiwan ko roon ang aking ID.

Ganun din sa Driver’s License. Nakaconnect ito sa Iqama at sa cellphone number ng License Holder. Kapag me violations ka sa kalsada, na kadalasan ay mga radar at camera ang nakakadetect at makukunan ng letrato ang sasakyan mo, ito ay agad na marerelay sa iyo. Halimbawa, ikaw ay overspeeding at natamaan ka ng radar at camera, immediately, may text ka kaagad na nahuli ka at dapat magreport ka sa Muroj (Traffic Police) at magbayad ng fine sa bangko (walang nagbabayad sa kanilang opisina, so walang fixer na makikita) at ipresent mo ang resibo sa Muroj. Otherwise, ang say, 300 riyals (about P 3500) na multa sa overspeeding, pag di mo nabayaran sa loob ng isang buwan ay magiearn ng interest. Susunod na buwan ito ay 350 riyals (about P 4000) na.

I see this as a good discipline sa mga mamamayan kung maipapatupad lang sa pinas. Ang matagal ng ID system na nais isabatas ng ilang matitinong mambabatas ay nakatengga dahil sa mga tiwali sa gobyerno at ilang sektor na ayaw sa ganitong sistema. Ito raw ay pagsikil sa karapatang pantao, ito raw ay panghihimasok sa pribadong buhay at ito raw ay unnecessary sa isang malayang bansa. Isa pa ay ang gagastusin daw sa pagpapatupad ng ID system, ngunit di naman nila nakikita ang matitipid ng gobyerno sa mga nagnanakaw sa gobyerno, at sa mga kalutasan ng mga krimen na pagkahabahaba ng proseso ng paglilitis.

Ang mga may kalokohan, mga kriminal, mga tiwali, mga mandaraya at mga mandarambong lang naman ang ayaw na ito ay maisakatuparan dahil:

1. Matitrace kasi kung nasaan sila. Lalo na ang mga tiwaling mambabatas, ang maraming chicks, ang mga kawatan. Sa pamamagitan nito ay malalaman kung ano ang ginagawa nila sa ganung araw at petsa at kung sino ang kasama.
2. Malalaman ang mga tunay na salarin sa isang krimen. Madaling maestablish ang alibi na wala siya sa lugar na pinangyarihan ng krimen.
3. Malalaman ang mga pinaglalagakan ng mga ninanakaw na kayamanan ng bayan kasi bawat transaction nila ay maaaccess.
4. Walang makakapalag na traffic violators dahil nakatext agad sa kanya at identified agad kung sino ang driver.
5. Walang makapanloloko sa tawag sa telepono, walang makapananakot, walang makapapanira, walang magtsitsismis.
6. Ang mga rebelde, mga tulisan, mga makakaliwa, mga kidnapper, mga killers ay maaidentify. Ang walang ID tyak na isa sa mga iyan.

Ang una unang apektado rito ay ang mga pulitiko, celebrities, artista, mayayaman, taong gobyerno, mga leaders ng anumang pribado o publikong organisasyon, at mga masasamang loob. Ang mga matitinong at masunuring mamamayan ay makikinabang dito.  Maging ang pagbibigay ng mga serbisyong pangmamamayan ay magagampanan ng maayos.. Health Care, Pensions, mga Gamot na libre, at iba pa.

Nakikita ko ay lamang ang positibo kesa negatibo. Sana ay magkaroon din nito sa pinas.

Wala namang masama kung ako ay mangarap di ba mga Mambabatas, Commission on Human Rights, Simbahan at mga loko?

—-00000—- 

“There must be light burning brighter somewhere. Got to be birds flying higher in a sky more blue. I I can dream of a better land, where all my brothers walk hand in hand. Tell me why oh why, oh why can’t my dream come true.” (Elvis Presley)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s