Noong panahon namin…

I remember I resented the way Tatay used to start his sermon to us with “noong panahon namin…”, but now I realized that the same words are applicable to any generation. Sa nangyayari ngayon sa ating bansa, those born in the 60’s and 70’s have a lot to tell about “noong panahon namin…”

Noong panahon namin:

  1. Wala pa iyang mga plastic plastic bags na iyan. Namamalengke kami na ang bitbit ay bayong at ang pinamili ay isinisilid ng tindera sa recycled na supot ng semento.
  2. Malinis ang mga canal at kung meron mang nakabara, ito ay malamang na patay na hayop o dahon ng halaman.
  3. We sleep in banig na yari sa buli na nakalatag sa sahig. Kapag taginit, doon kami naglalatag sa may batalan, kasi ang sahig doon ay kawayan and the air passes through the slats kaya refreshing matulog. Walang panama ang air-conditioner."tumbang preso"- All time Philippine children's game
  4. Ang upuan namin ay may woven rattan (sulihiya) kaya fresh din sa puwet, me pasingawan pa ng utot.
  5. Kukuha kami ng lata ng Rosebowl sardinas na lapad, at 4 na lata ng Darigold (o Liberty) milk at kapirasong alambre at tali, ayos na me kotse kotsehan na, Kahoy na Skeyteng na ang gulong ay bearing at may prenong pako. Mahuhusay gumawa ng Burador (saranggola) ang mga bata, kahit nga ang simpleng boka boka.
  6. Plastic balloon, lastiko, holen, trumpo ang mga nabibiling laruan sa tindahan.
  7. Me palabunutan pa noon sa mga tindahan sa eskuwelahan na mapapanalunan mo ay laruan.
  8. Polboron ay loose powder, di katulad ngayon na buo na siya.
  9. Pag me tattoo ka galing ka sa kulungan.
  10. Gumamela o San Francisco ang bakod ng mga magkakapitbahay.
  11. 10 sentimos o diyes lang ang baon: singko sa umaga, singko sa hapon, ang inumin nahihingi lang.
  12. Merong free ang mga patpat ng ice drop: buko man o munggo.
  13. Malaki ang takot ng mga bata sa mga magulang, tiyo/tiya, lolo/lola.
  14. Maestro/maestro ang tawag sa mga guro.
  15. Napakatibay ng “Ang Tibay” shoes. Ganun din ang tsinelas na Spartan, ipinapamato sa tumbang preso. (Puwede mo bang gamiting pamato ang iyong Havaiianas o Ipanema?). Ang pantalon ay Macomber o Macandili, T-shirt ay Vonnel o Jartog at rubber shoes ay Converse o Custombuilt.
  16. Sa ilog naglalaba at nagpipiknik na may dalang pamingwit.
  17. Malinis ang tubig sa gripo, puwedeng inumin. Or kahit kanino puwede kang makiinom.
  18. Nilalagyan ng dagta ng saging ang dulo ng tinting at ipanghuhuli ng tutubi.
  19. Nahahigh ka sa pagmamahal ng magulang at mga kalaro, hindi sa drugs.
  20. Taguan, tetsu, bimbiw, tumbang preso o patintero kapag maliwanag ang buwan at aakyat ng bahay ng puro alikabok ang binti hanggang singit.
  21. Ano ang basbas ng matatanda pag nagmamano ka? Estigo Santo.
  22. Duhat, kalumpit, lipote na inalog sa asin sa magkakaob na pinggan
  23. Tuwang tuwa ka pagfill up sa Slumbook lalo na sa part na: “Describe your crush. Define love. Who is your crush.”
  24.  Ang meryenda pag recess ay pakumbo o kaya kariba, tira tira o inuyat.
  25. Mga babae ay naglilipstick ng papel de hapon.
  26. Ang media na laganap ay ang radio. Mga drama, action, kantahan, balitaktakan nina Damian Sotto, Johnny de Leon, et al.
  27. Purico ang mantika, at Ricoa Cocoa ang tsokolate.  Ang ibig sabihin ng magmumura (bigkas malumi) ay kakain ng buko sa bukid… at maruya, balinsuso, biko, niyubak (nilupak) ang favorite meryenda.
  28. Pag may pamimilian ay idinadaan sa awit:  “Penpen de Serapen, de kutsilyo, de almasen. How how the carabao batuten…” kung saan tumigil sa huling nota iyon ang pipiliin.
  29. Ang Kapitan del Baryo ay present sa lahat ng pagkakataon, trouble, kasayahan o tulungan.
  30. At ang classic na umpisa ng mga sulat/liham (wala pang email, social networks noon kaya idinadaan lahat sa sulat).. “Nawa ikaw ay nasa mabuting kalagayan at ligtas sa anumang karamdaman o kapahamakan sa tulong at awa ng Poong Maykapal. At kung ako naman ang sasagi sa iyong isipan ay mabuti naman kahit na ikaw ay di ko kaulayaw.”

Whether  you’re ‘80s, ‘90s or Y2K born, may kanya kanya tayong karanasan na masasabi natin sa susunod  na henerasyon….. “noong panahon namin..” Tayo ay may mga pananaw sa buhay na nakasalig sa paniniwala sa katotohanan, pagmamahal at pananalig sa Diyos.

Kayo? Anong masasabi ninyo “noong panahon ninyo?”

—-0000—

“Remind me of this with every decision. Generations will reap what I sow. I can pass on a curse or a blessing . To those I will never know.” – Sarah Groves

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s