Tatlo sa Isa

Isang araw, may panauhin akong 2 kaibigan mula sa isang semiconductor company at bago ko papasukin ay tinawag ko ang aking secretary para utusan ang aming utility man na dalhan kami ng 3 kape. Wala ang aking secretary, nasa meeting with HR Department kaya ang nautusan ko ay aming Trainee. Ang Trainee naming ito ay noon lang nakapamuhay sa Manila. Graduate siya sa isang respected na College sa kanilang probinsiya sa Norte. Napakamahiyain niya at laging walang imik.

Naguusap na kami ng 2 kong kaibigan ng tumawag sa telepono ang aming Trainee at sinabing wala rin daw iyong Utility Man, inutusan sa SM para bumili ng gamit sa opisina. Pumunta rin daw siya sa Pantry pero nakalock ang lalagyan ng kape, asukal, atbpa. Sabi ko sa kanya, kumuha na lang siya ng 3 in 1 sa pinaka-cooperative store nila (Note: This cooperative store sells coffee, instant noodles, candy, tinapay, etc at ito ay sa drawer ng mesa lang nakalagay. We allowed this para di na bababa ang mga empleyado).

Dinala ng aming Trainee ang 3 mugs ng kape sa amin. Mainit pa siya kaya di ko muna ininom. Nagpaalam ang dalawa kong bisita at napansin ko na bahagya na nilang nabawasan ang kanilang kape. Tinikman ko ang kape at doon ko nalaman kung bakit. Napakatabang ng kape. Wala halos lasa.

Tinawag ko ang aming Trainee at tinanong ko siya.

“Kumuha ka ba ng 3 in 1 coffee sa cooperative ninyo?” Ang bungad ko.
“Opo, ang bilin po ninyong Nescafe 3 in 1 ang kinuha ko at sabi ko ay babayaran ng lang ito ng Secretary ninyo pagbalik niya sa office ninyo.” Ang mabilis niyang sagot na medyo kinakabahan.
“Iyon pala naman e. Pero bakit ganoon ang lasa? Hindi ba expired na iyon?” Pakli ko naman.
“Ewan ko po. Hindi naman po expired iyon e. Bagong bili raw po iyon.” Ang sagot niya na parang maiiyak.
“E bakit nga ganun? Ano bang ginawa mo?” Ang tanong ko na nagtataka.
“E di po ba 3 in 1 iyon, hinati ko po sa 3 mugs. Isa sa inyo, tapos tig-isa ang dalawa ninyong bisita. Kaya nga 3 in 1, isang pack para sa tatlo, di po ba?” Ang buong kainosentehan niyang sagot.
 

Di ko napigilang matawa.

—-00000—-

“It’s a state of bliss, you think you’re dreaming. It’s the happiness inside that you’re feeling. It’s so beautiful it makes you wanna cry. This innocence is brilliant, makes you wanna cry.” – Avril Lavigne

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s