On line Baby Sitter a.k.a. Papa Yaya

Meron akong kasamahan (tawagin natin siyang si Papa Yaya) sa work na nakabuo noong huling bakasyon niya. At siyempre excited siya sa kanyang bagong baby kung kaya lagi siyang naka-online para makita ang kanyang anak.

Simple, masayahin, masipag at mabait si Papa Yaya at tawagin mo lang siya para magpatulong sa isang gawain at nariyan na agad siya. Si Papa Yaya ay madalas ko ring nakakasama sa paglalaro at iba pang aktibidades. Magaling ding humugot ng punch lines at suwabe ang timing niya kung kaya masaya ang tropa kapag siya ay kasama.

Ang bansang ito ay 5 hours behind sa oras sa PIlipinas, kaya pagdating sa accommodation ng 7pm galing sa trabaho, sakto namang 12 na ng hatinggabi sa Pilipinas. Kaya naman, ang weekend ang siyang nagiging araw para lubos na magkausap sa mga mahal sa buhay sa PIlipinas.

Minsan, naghinaing ang asawa ni Papa Yaya na halos wala na itong tulog sa pagbabantay sa kanilang bagong silang na anak sa magdamag, at kung araw naman ay hindi rin makabawi ng tulog dahil naman sa mga gawaing bahay kasabay pa rin ng pag-aalaga sa bata. At dahil nga bukod sa pagiging mabait na kaibigan at kasamahan sa trabaho, napakabait din niyang ama at asawa, gumawa siya ng paraan paano siya makakatulong sa kanyang asawa. Take note na ang trabaho ni Papa Yaya rito ay nasa maintenance ng mga electric generation and distribution facilities kaya halos maghapon ay lagi siyang nasa field, exposed sa init, sa lamig, sa alikabok at sa iba pang elemento (kabilang na ang “putok” ng ibang lahi lalo na kung pinagpapawisan). Sa kabila ng pagod niya sa trabaho ay gusto pa rin niyang makatulong sa asawa kahit na kapalit noon ay ang oras ng kanyang pamamahinga.

Pagdating niya galing sa trabaho, online agad sa YM or Skype at text agad niya ang asawa niya na magonline din, at ihanda naman naman ni Papa Yaya ang kanyang hapunan. Pupungas pungas ang asawa niya na mag-oonline, i-oon ang webcam at itututok kay baby. Masaya si Papa Yaya na kakain ng hapunan sa harap ng computer at pinapanuod ang anak. Ang asawa naman niya ay tuloy ang mahimbing na tulog. Kapag ubos na ang dede ng anak, o kaya ay umiiyak o napansin niya na medyo naiba ang posisyon o may danger na matakpan ng unan, at iba pang di pangkariwan, imimiss call niya asawa niya upang ayusin ang kanilang anak.

Mula pagdating niya galing trabaho hanggang mga 12 ng hatinggabi, si Papa Yaya ay nakabantay sa anak niya through YM or Skype, at saka lang siya matutulog kapag nagising na ang asawa niya (5 am sa PIlipinas).

Malayo man ay naipapadama niya ang pagmamahal sa kanyang anak.

Papa Yaya nurses. Papa Yaya cares. Papa Yaya loves.

Technology crutches.

—-00000—-

“But I grow another foot. And I lose a bunch of weight everytime I log in. I’m so much cooler online. Yeah, so much cooler online.” – Brad Paisley

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s