Kung makikipagtalo, ipaglaban mo

Madalas sa buhay natin, mayroon tayong hindi sinasang-ayunan sa mga opinyon o ginagawa ng ibang tao. At madalas din na ito ay nauuwi sa pagtatalo at minsan pa nga ay pag-aaway. Kung ang pagtatalo ay nauuwi na sa pag-aaway, that is the height na ng kawalan ng pang-unawa ng isa o dalawang tao. Ang pagtatalo kasi dapat ay tagisan ng katuwiran, parang balagtasan iyan e. Lantaran ng paniniwala, ng mga prinsipyo, factual na dahilan at basehan ng ipinaglalabang opinyon.

Tayong mga pinoy, mahilig magtalo. Ultimong ang usapin tungkol sa mga artista, pulitiko, ibang tao na di naman natin kaanu-ano, o kakilala ay pinagtatalunan. Maayos ang isang pagtatalo, tulad ng nasabi ko, kung ito ay labanan at paliwanagan. Ngunit, ang mga Pinoy, mga pikon at magaling lang makipagtalo o mamuna. Kapag nasusukol na sa katuwiran ng kalaban sa opinyon, babalandra na sa mga usaping personal. Naroong mag name calling na o kaya ay manumbat na sa katalo.

Sa mga pahayagan, o sa mga posts sa social networking kita natin na ang ating Pangulo ay tinatawag na Penoy, Abnoy, Kalbo, Panot, lalo na kung walang issue na maibato sa paglaban sa katiwalian at nakawan. Ang ibang senador naman ay tinatawag na baboy, brenda, at iba pa. Ang masama pa makikita mo na ganun ganon na lang kung magmura. Bakit hindi tayo mambatikos nang naayon sa isyu? Bakit hindi tayo mamuna at makipagtalo nang naayon sa katuwiran at prinsipyo.

Ako man ay nakaranas ng ganyan. Mahigpit kasi ako sa trabaho. Lalong lalo na sa katiwalian, pandaraya at kawalan ng respeto. Maraming beses sa dati kong kompanya na ako ay mga nasuspendi, at nilabanang talamak na pagnanakaw at katiwalian. Kapag nagkakaharap harap na upang pagusapan ang anumang isyu o kaso na inilatag ko sa isang tauhan, at hindi na sila makalusot, gagawin ay makiusap at hihikayatin akong sumama sa kalokohan. Kapag sinabi ko na magusap tayo ng tungkol sa isyu at sa kaso, hindi na makapangatuwiran. Pagtalikod ay kung anu ano na ang itatawag sa akin. Nariyan na tawagin akong Zimatar (kasi may sakit akong Hyperthyroidism, at kasama sa sintomas nito ay ang pagluwa ng mata), Mr. TH, paimpress, atbpa pero mind you, ni minsan di ako natawag na kawatan, o anumang bansag na patungkol sa masamang tao. Natatawa lang ako, dahil nga ibig sabihin noon, wala silang maibatong katuwiran o pansalag sa mga usapin ng kalokohan. At ito ang kanilang ginagawa upang makalusot sila at mapagtakpan ang kanilang ginagawa.

Which brings me back sa point ko kanina. When you are in an argument, keep your cool, be objective at ilatag mo ang iyong katuwiran o ang iyong mga paniniwala. Kapag ganito ang ginawa mo, maliliwanagan kayo pareho at ikaw ay matututo dahil iaanalyze mo rin ang sinasabi ng katalo mo.

Walang personalan. Walang bayolens. Walang name calling. Talo ka riyan. Di ka uunlad. Both sa pagkatao o sa pakikisama o sa kabuhayan.

—-00000—–

“And so again, my friends we’ve taken this conversation to its bitter end. I need to cut my tongue, before it cuts us down. When people resort to name calling.” – As Friends Rust

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s