Of Ligong Uwak, atbpa

Napatawa ako ng sabihin sa akin ng aking kasama na tinanghali siya ng gising kaya mali- “Ligong Uwak” na lang daw siya. Dagdag pa niya na naalala niya ang Nanay niya na nagagalit sa kanya kapag ganoon ang paliligo niya at sasabihin pang “Ligong Uwak ka na naman, kaya naman ang likod ng tenga mo ay puwede nang taniman ng kamoteng baging!” Sa mga bagong sibol na kabataan, ang talinghagang ito ay maaaring hindi na nila alam. Pero sa mga hererasyon na namuhay sa “age of writing”, panahong wala pa ang mga text messages, social network sites, emails, etc.. maraming mga talinghaga na nabuo sa mga paraang pangbarkada, pangistambay, pangiskuwelahan o maging sa mga sosyalan.

Ang “Ligong Uwak” ay isa lang sa mga talinghaga na bunga ng malikhaing isipan ng mga Pilipino. Ibig sabihin ng “Ligong Uwak” ay paliligo na ulo lang ang binabasa, at di na naghihilod o minsan ay di na rin nagsasabon. Kasabay ng talinghangang ito ay ang “Ngising Aso”, “May sa Palos”, “Salimpusa”, “Tengang Kawali” at ang walang kamatayang “Nasa dulo na ng dila”.  Kapag sinabihan ka na “Namuti ang talampakan”, ikaw ay naduwag, kapag naman “Buwayang lubog” ay sinungaling, traydor o hindi gagawa ng mabuti.

Sa opisina tuwing umaga, madalas na makikita ang ibang lahi na papasok sa Comfort Room pagkatapos magtime in. Doon ay idaraos ang “Ligong Uwak” sa lababo ng Comfort Room, at saka pupunta na sa kanya kanyang puwesto. Hindi ka na ngayon magtataka kung bakit malakas ang amoy ng mga ito.

Mayroon silang kalahi na tauhan ko, at naikuwento niya sa akin na ang malakas na amoy ay lalong nagpapadagdag ng kamachohan ng lalaki sa kanila. The more “putok” the more masculine at mas hinahabol daw ng mga babae. I don’t know how true, but sa karanasan ko ay mga 95% sa lahi nila ay me amoy.

Me kanya kanya tayong kustombre at paniniwala, maging sa pangangalaga ng katawan, pero ganoon pa man lahat tayo ay magkakapatid sa ating mundo.

Which brings sa isa pa niyang revelation na if ever ang mga ito ay maliligo ng hindi na “Ligong Uwak” kundi full bath na, lahat na ng parte ng katawan ay binabasa at sinasabon, puwera lang ang kilikili. Mabasa na ang lahat, huwag lang ang kilikili.

Mahirap maligo nang hindi binabasa ang kilikili. “Ligong Uwak” to the max na iyan.

—-00000—-

“And I Told About Equality. And It’s True. Either You’re Wrong Or You’re Right.
But, If. You’re Thinkin’. About My Baby. It Don’t Matter If You’re. Black Or White” – Michael Jackson

3 Comments

  1. Hi there I am so delighted I found your blog, I really found you by error, while I was researching on Digg for something else, Nonetheless I am here now and would just like to say thank you for a marvelous post and a all round enjoyable blog (I also love the theme/design), I don’t have time to go through it all at the moment but I have bookmarked it and also added your RSS feeds, so when I have time I will be back to read a lot more, Please do keep up the excellent work.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s