Don’t park her

Isang araw naikuwento ng kasama ko sa bahay na nagpark siya sa harap ng aming kitchen. Pagbalik daw niya kinabukasan ay may nakaipit na papel na sa windshield wiper niya at nakasulat doon ay sa kanya raw ang parking na iyon at pag nagpark daw siya uli ay wawasakin ang kanyang kotse.

Ang tinitirahan kasi naming bahay (condo na kung sa pinas ito) ay nasa kanto ng kalsada, kaya masuwerte kami dahil bale dalawa ang parking area namin (kung naimagine ninyo). Unlike sa iba na nasa gitna ng isang bloke, na iyon lang mismong harapan ang kanilang parking ng sasakyan. Sa harap ng salas namin at sa harap ng kusina bale ang aming paradahan. May isang malaking lumang sasakyan, parang kotse ni Dirty Harry ang naglagay ng harang sa harap ng kusina namin at inangkin ang parking space na iyon. Maraming beses kasi na nawawalan kami ng parking ng kasama ko dahil ang ibang hindi naman tagaroon sa aming building ay doon pumaparada lalo na at kami ay gabi na kung umuwi.

Sa inis daw ng kasama ko, kinuha niya ang papel na may sulat at sinulatan niya ng “you are parking in front of our house, you don’t tell me you own this parking space.” Nagkataon naman na nagluluto kami ng tanghalian noong araw na iyon, being a rest day. Nasilip ko sa bintana na papalapit iyong may-ari ng kotse ni Dirty Harry. Napansin niya ang papel na sinulatan niya at binasa iyon. Pagkabasa niya, kumunot ang noo at napatingin sa aming bintana.

Noon ko binuksan ang bintana at sinabihan ko siya ng “Sadik, we live in this house. You are parking in front of our house. So don’t threaten us that you will break our car, or else, we will call the police. Understand? I saw you coming out three houses away from here. You must park there.”

Napatingin lang ang mokong, he look like a native Saudi to me, pero mukhang Sudanese din. Tapos ngumiti siya na kakamot kamot sa ulo, at pumasok na sa kotse.

Tinanong ko ang kasama ko, what exactly was written on the paper.

Sagot niya ay me sulat arabic at me english na translation noong arabic, sulat kamay daw. Ang eksaktong pagkakasulat sa  english, “THIS MY PARKING SPAC. I WILL BROKEN YOUR CAR IF YOU PARK HER AGAIN.”

Sabi ko sa kasama ko, kaya pala nagalit e, you park HER pala.

—-00000—-

“I can hand out a million vaccinations. Or let’em all die from exasperation. Have’em all healed from their lacerations. Have’em all killed by assassination. I can make anybody go to prison. Just because I don’t like’em and I can do whatever I want.” – Night Visions

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s