KILALANIN ANG MGA PERSONALIDAD SA HALALAN

“Politics, noun. A strife of interests masquerading as a contest of principles. The conduct of public affairs for private advantage.” —Ambrose Bierce, The Devil’s Dictionary

Maiba naman. Heto kasi ang mainit ngayon sa Pinas. Ang nalalapit na halalan. Maraming mga personalidad ang makikita nating nakahambalang sa gitna ng kainitan ng pangangampanya. Given na ang mga larawan ng mga pulitiko sa lahat ng forms of media, at maging sa mga donasyong tulad ng de-lata, mami, bottled water atbpa.

1. Indoy, ang super-alalay– mas nakakaagaw sa aking pansin ay ang mga alalay, kesa sa kandidato. Marami kasi akong kakilala na ginawang propesyon na nila ang pagiging alalay ng mga pulitiko. Paano ko ba ikakategorya ang mga iyan: “self-employed”, “government employee”, “private employee” o “self appointed employee”? Kapansin pansin na ang mga iyan ang mas maingay at handang makipag-away para lamang sa kanilang kandidato. No. 1 qualification ay kamag-anak, kababata, BFF. Kadalasan sila ang runner, driver, utusan, helper, etc. A.k.a. Bagman

2. Ma Roger, ang area campaign manager – si Ma Roger ang nagpapagalaw ng strategy para makilala si kandidato sa kanilang lugar. Nagpapagawa at nagpapakabit ng mga posters (may 25% siya sa halaga) sa mga mataong lugar, naghahire ng mga “promodisers” para magbahay bahay at mamigay ng polyeto ng kandidato (pasasahurin ng P300 isang araw, ang P200 ay sa bulsa niya), at sa oras ng bilangan ay nakabantay at umoorder ng pagkain para sa 100 upang ipakain sa hired na 20 watchers. A.k.a. Boy Kupit.

3. Mr. Regis, the campaign strategist – siya ang nagpaplot ng mga strategy sa pangangampanya at malawakang pagpapakilala sa kandidato. Kadalasan ay Marketing o Business Administration graduate. Ang mga script ng talumpati at ang pagdidirehe ng action ng kandidato, tulad ng pagkamay kamay sa mga mahihirap na botante (may nakahandang alcohol at basahan), paghalik halik sa mga bata at sanggol (may nakahandang disinfectant), paglapit sa mas mataas ang tinatakbuhang puwesto (kasama ang pag-abot ng sobre, of course, me kupit na siya), paghire ng mga artista na hihikayat sa mga miting de avance (kasama na ang GRO na kasiping nila sa gabi). A.k.a. Direk Celso Ad.

4. Kebinkosner, the bodyguard – siya ang sumisiguro sa kaligtasan ng pulitiko. Hinahawi ang mga tao kapag dumadaan at amo, malikot ang mga mata kapag nagsasalita ang pulitiko (hanap ay magandang chicks), kakapkapan ang mga gustong lumapit, at sinisiguradong off limits si misis ng pulitiko sa mga extra-curricular activities nito. Apat apat ang susong bulletproof vest at high powered firearms. Can switch loyalty, just name the price.. A.k.a. Tiyagong Lundag

5. Constante, the botante – mahalaga ang kanyang boto, kaya dapat na tapatan ng halaga. Susundin daw niya ang kanyang konsensiya sa pagboto, lalo na kung me nakaipit na P500 (P1,000 na raw ngayon) sa sample ballot. Hindi mabibili ang kanyang boto ng sinuman, lalo na kung kapag nanalo si kandidato ay kukunin niyang Ninong ng anak. He treats the ballot as sacred, lalo na at pinangakuan siya ng trabaho sa munisipyo pag nanalo si kandidato. Malaki ang takot sa Diyos, kaya kung sino ang sabihin ng kanilang Pastor na iboboto ay iyon ang ihahalal. A.k.a. Totoy Uto.

Sabi nga ng isang Senadora ( o given na ha, babae ito, kokonti ang babaeng senador ), politics refers to who gets what,  when and how. Masasabi kong tama siya, talagang ang SSPK (Sino, Saan, Paano, Kailan) ang umiiral. Sino ang nasa posisyon. Saan siya pupuwesto. Paano niya ito nakuha at Kailan siya tatagal. Iyan ang pinagtutuunan ng pansin. Kapag nahalal na nagpapakabusog at pinapagkitan ang puwesto para ang kapangyarihan ay hindi mawala. Kapag hindi na puwedeng kumandidato, ang patatakbuhin ay asawa, anak, kapatid o kaibigan.

Our 1987 Constitution, Article II, Section 1 states that:  “Sovereignty resides in the people and all government authority emanates from them.” Mahalin natin at ipaglaban ang ating karapatan. Ang respeto sa sarili ang unahin natin upang tayo ay respetuhin ng mga damuhong pulitiko.

“Vote, noun: the instrument and symbol of a freeman’s power to make a fool of himself and a wreck of his country.”

Hala mga pulitiko, bira dito-bira doon, tira, dakdak, pangako dito-pangako doon, uto dito-uto doon, sumige kayo.

Bottom line: Tayo ay malayang mamamayan, kalayaang galing sa Diyos, atin itong pagyamanin at respetuhin.

Huwag mag-halal ng hangal.

—000—

“Come senators, congressmen. Please heed the call. Don’t stand in the doorway. Don’t block up the hall. There’s a battle outside. And it is ragin’. It’ll soon shake your windows. And rattle your walls. For the times they are a-changin’.” – Bob Dylan

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s