Dedicated

Sa Pearly Gates ay ini-screen ni St. Peter ang 4 na bagong
dating. He asked them one question: “Ano ang nagawa
mo sa lupa at dapat kitang papasukin sa langit?”
Doctor: “Marami akong pinagaling na may sakit ng hindi ko
pinabayad.”
St. Peter: “Hala, pasok!”
Engineer: “Maraming tulay at kalsada, at mga gusali akong
dinesign at nasupervise ang paggawa. Ang mga ito ay
nakatulong na malaki sa pamumuhay ng mga tao.”
St. Peter: “Hala, pasok!”
Businessman: “Ang itinayo kong pabrika ay maraming tao ang
nabigyan ng trabaho.”
St. Peter: “Hala, pasok!”
Teacher: “Sila pong tatlo ay dumaan lahat sa aking pagtuturo.”

It’s not all “good son, good child, good student” ako noong nasa Elementary. May kapilyuhan din ako at kakulitan na siguro ay bahagi talaga ng buhay kabataan. Nariyang habang nagbabasa ng kuwento from the book  “Doorways to Reading” sa harap ng klase ang isang kamag-aaral ay pumunta ako sa likuran niya at hinila pababa ang short pants (wala pa noong pantalon, short pants na Macandili o Macomber pa noon). Imagine the laughter and the “aayyy!” ng mga kaklase kong babae sa nakita nila.

That happened in the class of isa naming istriktong guro sa Grade V. Siya ang wika nga ay kinatatakutan ng mga mag-aaral dahil sa istrikto and at times masungit. Isa siyang dedicated at religious na teacher. In fact, sa tinitirahan niyang bahay na tiya niya ang may-ari, ay doon nanunuluyan ang aming kura paroko noong wala pa ang kumbento. Pinapaaral din niya ang kanyang pamangking babae at kasakasama sa mga lakaran at gawaing pang-simbahan.

Music ang forte niya sa klase, mala Soprano ang style parang si Sylvia La Torre. I remember, she asked me to sing the “solfeggio” in class and she told me na maganda ang timbre ng boses ko. But of course, me mga kaklase akong mas magagaling kumanta kesa sa akin. Ang natatandaan ko na itinuro niyang kanta noon ay iyong “Serenade” na may lyrics na “Oh you wear in your hair, a gay rose. But a blushing rose is your fair face. And your bright eyes beam. And your white teeth gleam.” So beautiful pag kinakanta niya.

clp46660

Tumanda at nagretiro siya sa pagtuturo na hindi nag-asawa. Ang kuwento sa akin ng Tatay ko, sobra ang pagmamahal niya sa pagtuturo at wala na itong time para harapin ang mga manliligaw. Kahit na istrikto at masungit ang dating niya sa mga mag-aaral, napakamatulungin naman niya at napakamaunawain. Ang nais lamang niya ay ang mag-aral ng husto ang mga bata at nang hindi masayang ang pinaghirapan ng mga magulang.

She used to tell me, “alam mo nakikita ko ang kasipagan ng Tatay mo at ang angkin mong talino. Dito sa ating nayon ay talagang salat tayo sa pananalapi. Ang medyo mapalad ay iyong may ilang mataas na katungkulan sa pabrika at iyong mga malaki ang sinasaka. Huwag ninyong damdamin ang aking paghihigpit dahil iyan ay para sa inyo rin.”

Tita Eveng ang tawag sa kanya ng mga co-teachers niya at madalas na gawin naming tambayan ng mga kasamahan kong sakristan ang kanilang bahay. Doon kami nagkakantahan at humahabi ng mga pangarap sa buhay.

Nakapag-aral ako ng College through scholarship at malaki ang naitulong niya sa amin.

May-sakit ako noon at naka confine sa infirmary ng University na nasa Nueva Ecija. My father came after two days para dumalaw. Before that, I received a telegram from my father, na baka di siya makarating dahil walang pamasahe (ang Telegraph Office ay nasa silong lang ng bahay namin sa aming nayon). Siyempre surprised ako at dumating si Tatay.

“Kaya ako nakarating ay binigyan ako ni Eveng ng pamasahe. Dinagdagan pa ni Ate Yollie mo ng konti for your allowance. Kailangan na mapuntahan at makita ko raw ang kondisyon mo.”

That’s Miss Nieves Cuartoy, single. A dedicated teacher. Halos lahat ng lumaki sa aming nayon ay naturuan niya…., nagabayan at natulungan.

—000—

‘Teacher Teacher, teach me love. I can’t learn fast enough. Teacher Teacher, teach me more. I’ve got to learn to love for sure.” – Rockpile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s