ANO ANG MAHALAGA SA BUHAY MO?

Isang matagumpay na negosyante ang napasyal sa isang liblib na nayon sa Bicol at dinalaw niya ang isang kaibigan noong siya ay bata pa. Namangha siya sa galing ng kaibigan sa pangingisda, ngunit napansin niya na after ng ilang huli ay babalik na ito sa nayon, ibibenta ang konting huli at magtitira para sa pamilya.

“Bakit sandali ka lang sa pangingisda, bakit hindi ka magtagal ng konti para makahuli ka ng mas maraming isda?” ang tanong ng negosyante.
Sumagot ang kaibigan, ” dito sa huli ko ay sapat na para sa aming pangangailangang mag-anak.”
“E anong ginagawa mo sa rest of your time?” tanong uli ng negosyante.
Nakangiting tumugon ang kaibigan, “Gabing gabi na ako matulog, nakikipaglaro sa mga anak ko, manuod ng basketball, magsiesta kasama ang asawa ko. Madalas ay lakad lakad sa nayon, makipaghuntahan sa mga kaibigan, makipag videoke, tagay ng konti at kinabukasan punta na naman sa dagat para mangisda.”

Sumagot si negosyante. “Teka lang, makakatulong ako sa iyo. Alam mo naman na isa akong matagumpay na negosyante, PhD holder at maraming koneksyon. Bakit hindi ka mangisda ng mahaba habang oras para mas marami kang mahuli. Iyong dagdag na huli ay ibenta mo at kung magkano iyon ay aking tatapatan, para later ay makabili ka ng malaking bangkang pangisda. Pag malaki na ang bangka mo, mas marami kang kita at mas maraming maiipon para bumili ng isa pang bangka, another bangka, ng maraming bangka.”

Nakita nang negosyante na mukhang interesado ang kaibigan kaya nagpatuloy, ” tapos, imbes na ibenta mo sa mga nagtitingi sa palengke, makakapagtayo ka ng sarili mong puwesto, o deretso sa mga nagdedelata, tapos later ay ikaw na ang magkakaroon ng pabrika ng de latang isda. Makakapagpatayo ka ng sarili mong gusali sa Maynila at makakapag-invest ka pa sa ibang negosyo. Magiging milyonaryo ka. Milyon ang kikitain mong pera.”

“Milyones? Talaga? Pero ano ang gagawin ko sa milyones na pera?” tanong ng kaibigan na di makapaniwala sa narinig.

Thinking na kumbinsido na niya ang kaibigan, malakas na sagot ng negosyante, “Makakapagretiro ka after 20 years at mamumuhay kayo ng sagana at masaya ng iyong pamilya. Makakapagpagawa ka ng bahay sa isang tahimik na lugar. Makakatulog ka kung kelan mo gusto, nakikipaglaro sa mga anak at apo, manuod ng basketball, magsiesta kasama ang asawa mo. Maglakad lakad sa nayon, makipaghuntahan sa mga kaibigan, makipag videoke, tagay ng konti at kinabukasan punta na naman sa dagat para magpleasure fishing.”

“Dito na lang ako sa buhay ko ngayon.” ang nakangiting sagot ng mangingisda.

Know what really matters in life, and you may find that it is already much closer than you think.

Things, resources, people and friends ay nasa paligid mo lang upang makamit ang iyong pangarap. It’s just a matter of looking and finding them. Huwag na ilayo ang paningin. Masisilaw ka lang.

—000—

“When people don’t know what you mean. They may laugh at you and call you green. They’ll say your words are stupid. And your plans are only schemes. Truth is simple. But seldom ever seen. Let nothing come between. Simple man, simple dream.” – Linda Ronstadt

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s