KINDNESS SHINES

Dumaan kami sa aking sinilangang nayon upang maibigay ang mga regalo at tulong sa isang pamilya na sa akin ay di nagkait ng tulong noong ako ay nag-aaral kahit na sila ay mahirap lamang. Nang mamatay ang aking tatay at umalis na ang aking nanay at mga kapatid sa aming nayon, ay sila na ang nagsilbi kong pamilya sa tuwing ako ay uuwi.

Nang mga panahong iyon, ang maliit na halaga na iniaabot sa akin ng 3 anak na lalaki bukod pa ang mga pangaral na aking isinasapuso ang isa sa mga nagpatibay sa akin upang makatapos ng pag-aaral at maitaguyod ang aking mga kapatid.

Nakalulugod sa puso ang mga payak na kuwentuhan, at ang labis labis na appreciation sa aking mga pasalubong.

Lalo akong nagalak ng sabihin sa akin ni kuya na “maraming salamat sa ipinadala mo sa aking tulong noong ako ay nagpapagamot ng aking mata, ngayon ay maayos na ang aking paningin at nakakapagtrabaho na uli ako.” At sinundan naman ni ate ng, “salamat din sa tulong mo noong ako ay nagkaproblema sa paglaki ng puso, magaling galing na ako, ituloy ko lamang daw ang pag-iingat sa aking sarili.”

Hindi ako humihingi na pasalamatan nila ako, ako pa nga ang dapat magpasalamat dahil sa mga naitulong nilang pinansyal, moral at mga pampalakas ng loob noong ako ay down na down sa pagkawala ng aking ama at pagpasan ko sa mga responsibilidad sa aking mga kapatid.

Pasa pasa lang ng kabutihan. Dribble dribble ng mga pagtulong. Sure shot ang biyaya. 3 points pa!

–000—

“Kindness don’t ask for much. But an open mind. Kindness can cure a broken heart. Honey are you feelin’ kind. Do you believe in love.” – Ryan Adams

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s