TERMINOLOGIES OF MY YOUTH

Maraming terminologies o katawagan noong bata pa ako na naririnig ko lang uli kapag nakakahuntahan ang mga kababata. Nakakapagpasaya at maluwag ang pakiramdam kapag naalala ang kabataan. Sino sa inyo ang natatandaan pa ang mga ire:

  1. Manguli – magligpit ng pinagkainan. “Ikaw ang nahuling kumain, ikaw ang mangunguli.”
  2. Sambakol – nakaburingot o ang mukha ay masungit tingnan. “Sambakol na naman mukha mo, mukhang napagalitan ka na naman ng Nanay mo.”
  3. Hambo – quick shower. “Hambo na at tayo ay yayaon na.”
  4. Dagsawin – tubig na panghugas, hindi puwede inumin o ipanluto. “Ituloy mo na ang dagsawin sa may banggerahan at tayo ay kakain na.”
  5. Tugno – marumi na, nanlilimahid. “Ayan sige laro pa sa alikabukan, ang tugno mo na.”
  6. Kulag – tirik na malagong buhok. “Ayan na ang kulag ang buhok di man lang magsuklay”
  7. Tigsi – pinaikli ng Tigsisingko. “Ang gamit na pomada ni Onying ay Tigsi, ung me drawing ng Beatles.”
  8. Sangit – init ng araw. “Ang sangit ngayon tamang tama pagpapatuyo ng palay.”
  9. Tangla – nanunuod ng patulala. “Nakatangla ka na naman diyan sa bintana.”
  10. Damsak – kalat ng tubig. “Nagdamsak ka na naman diyan sa labas, baka me madulas!”
  11. Sangyat – nasabit o napunta sa bubong / lugar na mataas. “Sangyat naman ang tsinelas ko sa bubong ni Mang Apyo pagtapon ni Uslok.”
  12. Adyo – akyat. “Ay hala adyo na kayo at nang makapagmeryenda.”
  13. Banton – itaas ang waist ng pantalon. “Ay banton muna at lumalabas na ang kuyukot mo.”
  14. Tangkaro – hindi matining. “Yanu ay, ipinagmalaki pa ang trumpo niya ay tangkaro naman.”
  15. Yurit – pisa. “Dahan dahan at baka mayurit ang kamatis.”
  16. Tambanero – laging naglalakwatsa sa kalse. “Tambanero ka kasi kaya balik ka sa Grade IV, disiotso ka na kaya.”
  17. Katay – isang tali ng isda (di pa uso ang kilo) – “Dumaan ka sa palengke at bumili ka isang katay na malaguno ha.”
  18. Ispanta – killjoy, di marunong makibagay. “Ispanta ka naman ay, saya na sana ng lakad natin.”
  19. Bala-bala – kunwari, di totoo. “Bala-bala ay matapang tayo para matakot siya sa atin.”
  20. Kuryog – nerbyos. “Yabang nito, kuryog ka naman pag kaharap na crush mo.”

Miss those days when we call our teachers “maestro” at “maestra”, and “nognog” is the playful black boy, not the corrupt VP.

Sana ang mga salitang ito ay manatili sa puso ng aking mga kababaryo at huwag mapalitan ng mga salitang kolokyal sa kasalukuyang panahon.

By the way, what is the difference between “Hawot”, “Espada”, “Balbakwa”, “Bislad”, “Tuyong Nokus”?

Pabebe lang po.

—000—

“The grass on the ground will be my sheet. I gotta get some village life, oh. When my body need a lover.” – Eddy Grant

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s