MAY MGA PANGYAYARING MAHIRAP IPALIWANAG

Nagkita ang magkakababaryong si Kardo at Badong sa Dammam International Airport.

Badong: “Uy Pareng Kardo, babakasyon ka rin pala. Tamang tama magkakasama tayo sa ating baryo.”

Kardo: “Hindi pare. Exit na ako.

Badong: “Ha? E di ba ang ganda ng trabaho mo sa farm at ang bait ng amo mo. Bakit nagkaganun?”

Kardo: “Me mga pangyayaring mahirap ipaliwanag pare.”(Buntong hininga) “Maganda ang work ko at okay amo ko. Okay ang farm, maayos mga alagang ., tupa, manok at ang gulayan at orchard. Kumikita ng malaki pare. In fact pinangako ko sa sarili ko na di ako aalis ng kompanya hanggang magretire ako. Bale ba’y di pa tapos sa pagaaral mga anak ko” (Malungkot)

Badong: “So, anong problema, bakit exit ka?” (Nangungulit)

Kardo: “Me mga pangyayaring mahirap ipaliwanag pare.  Alam mo nung isang araw ginagatasan ko ang alaga kong camel, pero hindi siya pumirmis at dinudunggol ng ulo niya ang balde ng gatas. Ginawa ko, itinali ko ang ulo niya sa bakod at itinuloy ko ang paggagatas sa kanya. (Buntong hininga uli)

Badong: “Anong mahirap ipaliwanag doon?” (Nangungulit uli)

Kardo: “Tapos nangangalahati na naman ang balde ng itinaas naman niya ang dalawang paa sa harap at tinabig ang balde. So ang ginawa ko, tinalian ko ang dalawa niyang paa sa harap para magatasan ko ng maayos.” (Lungkot na lungkot)

Badong: “Anong mahirap ipaliwanag doon?” (Kamot ulo)

Kardo: “Tapos, tuloy ang paggagatas ko sa kanya. Noong nangangalahati na, itinaas naman niya ang dalawang paa sa likod. Natapon tuloy ang gatas. Ginawa ko, tinalian ko ang dalawan niyang paa sa likod para di na siya makapaglikot. E wala na akong panali, tinanggal ko ang sinturon ko. Me mga pangyayari talaga pare na mahirap ipaliwanag”

Badong: “Mahirap ka ng mahirap ipaliwanag. Ano nga iyon? (Naiinis na)

Kardo: “Balik na sana ako sa paggagatas, nang malaglag ang pants ko dahil wala na sinturon.. tyempo naman na dumating ang amo ko at nakita akong nakababa ang pants.. wahhh!’ (Umiiyak na)

Badong: “Tsk tsk tsk. Talagang may mga pangyayaring mahirap ipaliwanag”

—000—

“But I’m just a soul whose intentions are good
Oh Lord, please don’t let me be misunderstood”- The Animals

BANGAYAN. TUNGAYAWAN. MURAHAN.

Hindi na maganda ang magbasa ng FB at ilang social media. Maraming mga fake news ang matutunghayan na susundan ng mga comments na puro tungayawan at murahan.

At ito ang naging norm sa ngayon, ang magpakalat ng mga kasinungalingan, panlalait, panunuligsa at pang-aaway. It appears malakas pagkakitaan ang ganitong gawain, me nabibigyan pa ng mataas ng puwesto sa gobyerno. Pag kontra ka, kukuyugin ka.. sasabihan ka na adik, dilawan, #$^)&!?# atbpa. Where have all the reasons gone?

Sabi sa isang pag-aaral ang mga fake na balita ay lumalaganap dahil pagkiling sa sariling paniniwala.  Isi-share pa ito sa social media lalo na kung ito ay pabor sa kanyang pinaniniwalaan at hindi tutuklasin ang source kung ito ay tama. Basta narereinforce ang kanyang beliefs, okay lang kahit na iyan ay kasinungalingan.

Ako ay tinuruan ng tatay at nanay ko ng paggalang sa kapuwa at katapatan and I guess lahat tayo. Sinong magulang ang magtuturo sa anak ng masama? Meron pa nga tayong Panatang Makabayan at panalangin tungkol dito.

Ang paglaganap ng mga maling information at pekeng balita ay nakakabagabag na. Bakit may mga taong nagsasabi na makabayan at makaDiyos sila pero pilit na pinaghihiwalay, pinagbabangay ang mga pinoy. Bakit wala nang respeto sa isat isa.

Ang nakikita ko lang na dahilan ay ang pera at kapangyarihan. Okay, sabi nga ni pipoy ay “weather weather lang iyan. .” isang pangangatuwiran na nagdyajustify ng panggagantso, pagnanakaw, pagsupil sa karapatan ng kapuwa, pagpatay as sagot sa krimen hindi ang cause ng krimen, incompetence.. at dadagdagan pa ng “maghintay kayo ng susunod na halalan para kayo naman.. “ It encourages hatred, revenge at division.

At ang pinakamatindi ay yung gagamitin ang Diyos to justify wrong deeds. Bible quoting senators and government officials, pero puro katiwalian at pagsuporta sa mga maling patakaran ang ginagawa. Pati na ang pagpatay in the name of drug war, at ang death penalty.

When can we show that we are civilized, educated, respectable and Godly people?

“Make money your God, and it will plague you like the devil” — Henry Fielding

 —000—

“For the love of money
People will lie, Lord, they will cheat
For the love of money
People don’t care who they hurt or beat
For the love of money
A woman will sell her precious body”- the O’Jays